Conto i me passi malgualivi
scaldadi dal sol
che i va con corajo
a scancelar giornade.
I è pasi de ronda
che bate la strada
‘sfaltada de promesse
garbe e un po’ busjare
Scolto i me pasi
che i và contro man
sercando a l’orba
spiansìsi de poesia.
I voria legeri come el vento’
da no tocar par tera
in meso l’aria neta
a desligar le voje.
In quei giorni massa curti
‘ndo se ‘ntombusa i pensieri
ritrovo i me passi strachi
e sogno a oci verti.
arcopoesia 
Pingback: Preparando la seconda edizione del concorso | L'Alcova Letteraria